Njia rahisi zaidi ya kurekebisha kukatizwa kwa ufikiaji wako kunakohusiana na vizuizi ni kutumia zana ya "Angalia Vizuizi" katika programu ya Starlink kutafuta eneo kwenye nyumba yako ambalo halina vizuizi, kisha uhamishe Starlink yako. Unapohamisha Starlink yako, chomoa na uwashe tena.

Njia nyingine za kukabiliana na kizuizi kilichopo:

• Unaweza kuondoa kizuizi kikamilifu (kama vile kuondoa tawi)
• Unaweza kuinua Starlink yako juu ya kizuizi kwa kutumia machaguo yetu ya kufunga Starlink (kwa mfano, kebo zilizorefushwa) zinazopatikana katika Duka la Starlink au kwa kutumia machaguo ya ufungaji ya wahusika wengine kama vile minara, fito, n.k.

 

Ikiwa huwezi kufunga kwa usalama Seti ya Starlink au kuondoa vizuizi, usiendelee, badala yake tafuta msaada wa kitaalamu. Tazama Masharti ya Huduma kwa maaelezo zaidi.

Itakuwaje ikiwa nitapata arifa ya kizuizi ghafla, baada ya kukaa kwa muda mrefu bila arifa zozote?

Bango hili la arifa linaweza kutoweka kadiri Starlink inavyokuwa bora katika kuepuka vizuizi inapojifunza zaidi kuhusu vizuizi vilivyo karibu. Vizuizi vipya vya kawaida vinajumuisha:

• Matawi mapya au majani, hasa katika majira ya kuchipua wakati miti inaota majani na ina uwezekano mkubwa wa kuzuia eneo la mwonekano wa Starlink yako.
• Mkusanyiko wa vitu kwenye Starlink - hakikisha kuwa hakuna kitu kilichoanguka au kufunika Starlink yako, kama vile majani yaliyonyauka au udongo.
• Theluji kwenye Starlink - ingawa Starlink yako itayeyusha kiotomatiki theluji ya jumla, dhoruba kali inaweza kusababisha mkusanyiko wa theluji kwa muda mfupi.

Itakuwaje ikiwa programu itasema "Imezuiwa" na ninapata ukatikaji wa mara kwa mara?

Programu ya Starlink itaonyesha arifa hii wakati vizuizi vimeathiri sana utendaji hivi karibuni. Hii inaweza kuwa ya kawaida muda mfupi baada ya kuondoa ramani ya vizuizi, wakati Starlink bado inajifunza kuhusu vizuizi vilivyo karibu. Hii inaweza pia kumaanisha kuwa Starlink ina vitu ambavyo vimerundikana au kuanguka juu yake, lakini hii hutokea mara chache.

Ikiwa unakabiliwa na matatizo ya utendaji unapofanya shughuli zinazohitaji matumizi ya juu ya mtandao kama vile michezo ya kompyuta, huenda ukahitaji kuchukua hatua ili kurekebisha Starlink yako au vizuizi vinavyoizunguka.