Starlink kwa sasa inatoa mpango wa mwaliko wa wateja katika maeneo mengi ambapo Starlink inapatikana. Tovuti ya akaunti inaweza kukaguliwa ili kujua upatikanaji. Mpango huu unapatikana tu kwa wamili wa akaunti ya makazi walio na mpango wa huduma wa Makazi, Ughaibuni GB50 au Ughaibuni Bila Kikomo. Ili kupata maelezo zaidi, tembelea starlink.com/referrals.

Kama mteja wa Starlink:

• Ingia kwenye akaunti yako ya Starlink kwenye programu au mtandaoni.
• Katika programu ya Starlink, bofya kitufe cha Menyu kwenye kona ya juu kushoto
• Bofya kwenye ikoni ya "kisanduku" kwenye kona ya juu kushoto kisha uchague "Mwalike Rafiki". (Hii ni "Waalikwa" mtandaoni).
• Unaweza kunakili na kubandika kiungo hiki au kushiriki kupitia programu ya Starlink.
• Rafiki uliyemwalika akinunua kupitia kiungo chako cha mwaliko utapokea arifa kupitia barua pepe.
• Siku 30 baada ya akaunti ya rafiki yako kuamilishwa, muamana wa huduma utatumika kwenye akaunti yako.
• Muamana wa huduma utatumika kupunguza jumla ya ankara yako inayofuata.

Ili kuona ni mara ngapi au kiasi cha muamana wa huduma ambacho kimetumika kwenye akaunti yako, unaweza kuingia kwenye akaunti yako kupitia wavuti na uangalie kwenye sehemu ya mwaliko.

Vizuizi vya sasa:

• Mialiko itatoa tu miamana kwa usajili wa Makazi na Ughaibuni.
• Misimbo ya mwaliko hutolewa kwenye kiwango cha akaunti, si kulingana na idadi ya laini za huduma.
• Seti zilizonunuliwa kutoka kwa muuzaji hazistahiki mpango wa mwaliko. Tafadhali kumbuka, hakuna muamana utakaotolewa, hata kama kiungo cha mwaliko kilitumiwa wakati wa uamilishaji.
• Mialiko lazima ifanyike ndani ya nchi moja.

Ninawezaje kutumia muamana wangu wa huduma wa mwaliko?

• Kama Mwalikaji (Ulishiriki kiungo chako cha mwaliko): Muamana wa huduma utatumika kwenye akaunti yako siku 30 baada ya mtu uliyemwalika kuamilisha akaunti yake. Baada ya kutumika kwenye akaunti yako, utatumika kupunguza ankara yako inayofuata.

---

Kwa kushiriki, unakubaliana pia na Sheria na Masharti yaliyobainishwa hapa chini:

• Ili kustahiki zawadi ya mwaliko, mambo yafuatayo lazima yafanyike:

  • Mteja mwalikwa si mteja wa sasa wala hajawahi kuwa mteja wa Starlink;
  • Mteja mwalikwa lazima anunue Seti ya Starlink kwa kutumia kiungo cha kipekee cha mwaliko ulichotoa;
  • Mteja mwalikwa lazima abaki kuwa mteja wa Starlink wa kulipia kwa angalau mwezi mmoja (1) baada ya kuamilisha Seti ya Starlink.

• Mpango huu wa mwaliko unatumika tu kwa matoleo ya Starlink ya Makazi na Ugahibuni ambapo Starlink inapatikana mara moja. Wateja walioalikwa katika maeneo yaliyoorodheshwa kama "Orodha ya Kusubiri" kwenye Ramani ya Upatikanaji hawajumuishwi katika ofa hii: starlink.com/map.

• Starlink inaweza, wakati wowote na kwa hiari yake na bila ilani ya awali, kusitisha, kughairi, kusimamisha au kurekebisha mpango wake wa mwaliko au masharti haya.

• Starlink ina haki ya kuwekea kikomo, kughairi, kuchelewesha au kubatilisha zawadi ya mwaliko ikiwa Starlink itaamua, kwa hiari yake pekee, kwamba mshiriki ametenda kwa njia ya ulaghai au matumizi mabaya au ikiwa Starlink itasitisha au kusimamisha akaunti ya mtumiaji ya Starlink kwa kutegemea ukiukaji wa Masharti ya Huduma ya Starlink.

• Unakubali kutojiwakilisha kama mfanyakazi au wakala wa Starlink, au kama msambazaji au muuzaji wa Seti za Starlink.

• Unakubali kuikinga na kuiondolea hatia Starlink na maafisa wake, wakurugenzi, wafanyakazi na mawakala kutoka na dhidi ya, na unachukua dhima kamili kwa mashtaka yote ya wahusika wengine, kesi, madai, hasara, hukumu, fidia, gharama na matumizi yanayotokana na uzembe wako, uwakilishi potofu, ulaghai, hitilafu au kutotenda kunakohusiana na au kuhusu Starlink, Bidhaa au Mkataba huu.

Je, kuna zawadi nyingine zozote za mwaliko zinazopatikana?

Wateja mahususi wa Makazi nchini Australia wanaweza kupata kadi ya zawadi ya kulipia mapema ya $150 AUD kwa kila mwalikwa aliyefanikiwa ambaye atajisajili kabla ya tarehe 26 Desemba. Mteja mpya lazima abaki amilifu kwa mzunguko mmoja kamili wa bili ili mwalikaji apokee kadi ya zawadi. Mwalikwa bado atapokea huduma ya mwezi 1 bila malipo. Masharti mengine yote ya mwaliko yanatumika. Zawadi hii ya kadi ya zawadi haipatikani kwa wafanyakazi wa SpaceX.

Pata taarifa za barua pepe za Starlink hapa.