UPDATE SA STARLINK NETWORK

MAS LALO PANG GUMANDA ANG SPEED AT LATENCY NG STARLINK

Median Peak-Hour Downlink sa US

~200 Mbps

Median Peak-Hour Latency sa US

25.7 Millisecond

Cumulative Capacity na Inilunsad sa Ngayon

~450 Tbps

Sa nakalipas na taon, nag-extend ang Starlink sa 42 bagong bansa, teritoryo, at iba pang market sa iba't ibang panig ng mundo habang tumataas sa 2.7 milyon+ active customer sa buong mundo at naghahatid ng serbisyo sa mahigit 6 na milyon user at dumarami pa gamit ang high-speed at low-latency internet. Kasabay noon, naglunsad din ang SpaceX team ng mahigit 100 Starlink mission, na nagdaragdag ng 2,300+ satellite sa constellation, at namuhunan nang husto sa aming ground infrastructure, network backbone, at mga internal technology at system.

Dahil dito, nakakapagbigay ang Starlink ng download speed na 100 Mbps sa mga indibidwal na customer. Sa United States pa lang, halos 200 Mbps na ang average na bilis ng pag-download sa mahigit 2 milyong active na customer ng Starlink kapag peak demand sa kasalukuyan ng July 2025. Kahit ang offering ng Starlink na mas mababang speed tier ay nakakapagbigay sa mga customer ng 100 Mbps download at 20 Mbps upload speed sa karamihan ng mga estado at teritoryo. At habang patuloy nating ikinokonekta ang mas maraming tao gamit ang high-speed internet sa iba't ibang panig ng mundo sa mga darating na buwan at taon, nakapokus ang team ng Starlink sa pagtiyak ng patuloy na pagppapahusay ng pangkalahatang kalidad ng serbisyo para sa mga bago at kasalukuyang customer.

KASALUKUYANG PERFORMANCE NG NETWORK

Mas lalo pang gumanda ang bilis at latency ng Starlink sa nakalipas na taon. Dahil sa walang kapantay na antas ng pag-unlad, at higit sa 6 na milyong active customer na dumarami pa sa iba't ibang panig ng mundo, nagbibigay ng serbisyo ang network sa mas maraming user. Halimbawa, sa United States, tinatayang may 2.5 katao ang average household. Ikinokonekta rin ng Starlink ang mga paaralan, health center, at negosyo—kabilang ang karamihan sa mga pangunahing cruise line at ilang commercial airline na nagbibigay ng high-speed internet ng Starlink sa milyon-milyong pasahero kada taon. Dahil sa patuloy na dumaraming bilang ng mga taong gumagamit ng network sa United States at sa iba't ibang panig ng mundo, inilatag ng Starlink team ang pundasyon para sa isang napakalaking step-increase sa capacity sa mga susunod na taon.

Tulad ng idinetalye dati, nakatuon ang mga engineering team ng Starlink sa pagpapahusay sa performance ng aming network—na nagpababa pa sa latency hanggang maaari, na may layuning makapaghatid ng serbisyo na may stable na 20 millisecond (ms) median latency at minimal na packet loss.

Tumutukoy ang latency sa tagal ng oras na kinakailangan, na karaniwang sinusukat sa millisecond, para maipadala ang isang packet mula sa Starlink router papunta sa internet at para matanggap ang tugon. Kilala rin ito bilang “round-trip time”, o RTT. Isa ang latency sa pinakamahalagang salik sa nararanasan kapag gumagamit ng internet—mas mabilis na naglo-load ang mga web page, mas makatotohanan ang mga audio at video call, at responsive ang online gaming.

Nag-deploy din ang Starlink ng pinakamalaking satellite ground network. Higit sa 100 gateway site sa United States pa lang—na binubuo ng kabuuang higit sa 1,500 antenna—inilagay sa pinakamagagandang lugar para maghatid ng pinakamababang posibleng latency, lalo na para sa mga nakatira sa malalayo at liblib na lugar. Ginagawa ng Starlink ang mga gateway antenna na ito sa aming factory sa Redmond, Washington kung saan mabilis naming na-scale ang production at launch rate ng satellite.

Para masukat ang latency ng Starlink, nangongolekta kami ng mga anonymous na measurement mula sa milyon-milyong Starlink router kada 15 segundo. Sa U.S., nagsasagawa ang mga Starlink router ng daan-daang libong speed test measurement at daang bilyong latency measurement araw-araw. Tinitiyak ng high-frequency na awtomatikong pagsukat na ito ang pare-parehong kalidad ng data, na may kaunting sampling bias, interference sa mga kondisyon ng Wi-Fi, o mga bottleneck mula sa third-party hardware.

Simula June 2025, naghahatid ang Starlink ng median peak-hour latency na 25.7 millisecond (ms) sa lahat ng customer sa United States. Sa US, mas mababa sa isang porsyento ng mga measurement ang lumampas sa 55 ms, mas mahusay kaysa sa ilang terrestrial operator.

RESILIENCE NG NETWORK

Dahil may mahigit 7,800 satellite na nasa orbit, palaging maraming satellite ang nasa vire ng mga customer ng Starlink, at marami ring gateway site at internet points-of-presence location (PoP). Bilang resulta, nakikinabang ang mga customer ng Starlink mula sa tuloy-tuloy na serbisyo kahit na dumaranas ang terrestrial broadband ng mga fiber cut, pagkasira ng subsea cable, at pagkawala ng kuryente na maaaring magresulta sa kawalan ng serbisyo sa milyon-milyong indibidwal sa loob ng ilang araw.

Bukod pa rito, may mga cutting-edge optical link ang bawat Starlink satellite na tumitiyak na makakapagbigay ang mga ito ng daan-daang gigabit ng trapiko nang direkta sa isa't isa, kahit anong mangyari sa lupa. Pinapayagan ng laser network na ito ang mga satellite ng Starlink na maghatid ng data sa iba't ibang panig ng mundo nang tuloy-tuloy at maasahan at mag-route ng traffic sa anumang kondisyon sa lupa na nakakaapekto sa terrestrial service sa bilis na pisikal na imposible sa Earth.

Regular na nagbibigay ang Starlink ng mahalagang connectivity sa panahon ng mga natural na kalamidad, gaya ng paghahatid ng serbisyo sa libo-libong pamilya at mga first responder sa mga nangyaring wildfire sa Maui, Los Angeles, at Canada. Nang magkabaha sa timog silangan ng U.S. pagkatapos ng Hurricane Helene, na nagpalikas sa libo-libong mamamayan, mas pinahusay ng Starlink ang paghahatid ng mahalagang connectivity nang libre sa buong rehiyon, kabilang ang mga lugar kung saan pumalya ang iba pang technology. Nang mawala ang kuryente na nakakaapekto sa buong Spain at Portugal, nanatiling ganap na gumagana ang serbisyo ng Starlink sa buong panahon na walang kuryente, kahit na nawalan ng kuryente ang halos lahat ng iba pang broadband. Kamakailan lamang, nagbigay ang Starlink ng mahalagang connectivity para suportahan ang mga search and rescue team pagkatapos ng catastrophic na pagbaha sa Texas Hill Country.

SCALABILITY NG NETWORK

Isang pangunahing feature sa disenyo ng network ng Starlink ang kakayahang patuloy na magdagdag ng capacity at mga bagong kakayahan sa paglulunsad ng mga karagdagang satellite sa constellation at introduksyon ng mga na-update na satellite design. Kasalukuyang nagde-deploy ang Starlink ng mahigit 5 Tbps (5,000 Gbps) capacity sa constellation kada linggo gamit ang kasalukuyang second generation ng mga satellite. Ang kasalukuyang henerasyon ng satellite ay may apat na beses na capacity ng mga orihinal na bersyon ng satellite ng Starlink, na pinapayagan kaming mag-deploy ng higit pang capacity kada linggo kaysa sa kabuuang capacity ng anumang kasalukuyang Geo o full Leo constellation na tumatakbo ngayon.

Mabilis na napahusay ng Starlink ang serbisyo nito sa pamamagitan ng pagdaragdag ng mga na-update na satellite sa constellation. Sa nakalipas na taon lang, nag-deploy ang SpaceX ng mahigit 2,300 satellite ng Starlink, na umaabot sa halos 450 Tbps ng pinagsama-samang capacity sa kabuuan.

Dahil may natatanging kakayahan ang Starlink na mabilis na ikonekta ang mga nakatira sa malalayo at liblib na rehiyon, nagsimula kaming maglunsad ng mga karagdagang satellite ng Starlink sa mga polar orbit para lalo pang mapaganda ang serbisyo sa Alaska at iba pang polar region. Plano naming maglunsad ng higit sa 400 karagdagang satellite sa polar inclination hanggang sa katapusan lang ng 2025, na magbibigay ng mahigit dobleng capacity sa mga customer sa Alaska pa lang, at sa iba pang lugar sa high latitude. Nagsimula nang maghatid ng serbisyo ang mga naunang karagdagang satellite na ito sa mga user ng Alaska, na halos doblehin ang bilis ng pag-download kapag nasa median peak hours sa nakalipas na buwan.

FUTURE CAPACITY NG NETWORK

Patuloy na ini-scale ng Starlink ang network gamit ang mga third-generation satellite at gateway ground station nito. Dahil sa mga advancement na ito, magkakaroon ng napakalaking paghusay sa capacity kumpara sa kasalukuyang satellite. Target ng SpaceX na simulan ang paglulunsad ng mga third-generation satellite nito sa unang anim na buwan ng 2026. Idinisenyo ang bawat isa sa mga bagong satellite na ito para magbigay ng higit sa isang terabit kada segundo ng downlink capacity (> 1,000 Gbps) at higit sa 200 Gbps ng uplink capacity sa mga customer sa kalupaan. Mahigit ito sa 10 beses na downlink at 24 beses na uplink capacity ng mga second-generation satellite.

Inaasahang magdagdag ang bawat paglulunsad ng Starlink ng mga third-generation satellite sa Starship ng 60 Tbps na capacity sa network, na mahigit sa 20 beses na capacity na idinagdag sa bawat paglulunsad ngayon. Bukod pa rito, gagamit ang mga third-generation satellite ng mga next generation na computer, modem, beamforming, at switch ng SpaceX at patatakbuhin ang mga ito sa mababang altitude para lalo pang mapahusay ang latency ng network.

Idinisenyo ang system ng Starlink para mabilis na i-scale at tuloy-tuloy na mapahusay. Mula sa disenyo at produksyon ng satellite hanggang sa paglulunsad at ground infrastructure, natatangi ang posisyon ng Starlink para makasabay sa tumataas na demand sa iba't ibang panig ng mundo, suportahan ang paglulunsad ng 5G at mga advanced na serbisyo, at manatiling matatag sa harap ng mga natural na kalamidad at infrastructure failure.

Magbasa pa ng mga update dito.

Makatanggap ng Mga Email Update ng Starlink

Mag-sign up sa ibaba

Sa pamamagitan ng pag-click sa Mag-sign Up, sumasang-ayon ka sa aming Patakaran sa Privacy